هەڕەشە لە چەند کارمەندێکی کوالێتی کۆنترۆڵی خۆراکی باشماخ دەکرێت لەبەرامبەر ئەوەی چەند کەسێک هەوڵی ئاشکراکردنی ئەوەیانداوە کە ئەو خۆراک و دەرمانانەی لەئێرانەوە دەهێنرێنە ناوخۆی عێراقەوە و بەشێکیان بەسەرچون لەلایەن دەسەڵاتەوە هەڕەشە لەچەند کەسێک دەکرێت.

مەبەست فەتاح غەفور، کارمەندی بەشی دەرمان لە کوالێتی کۆنترۆڵی پێنجوێن، بە کورد نیوزی راگەیاند: لەسنورەکانی ئێرانەوە رۆژانە چەندین بارو تۆن دەرمانی بەسەرچوو دەهێنرێتە ناوخۆی هەرێمی کوردستانەوە و سەرچەم ئەو خۆراکو دەرمانانەش بەرپرسی گەورەیان لەپشتەوەیە بۆیە ، گوێنادەن بە ژیانو تەندروستی خەڵک.

مەبەست دەڵێت ئێمە چەندین جار هەوڵی ئاشکرا کردنمان داوە بەڵام بەرپرسەکان لەپێناو بەرژەوەندیەکانیان گوێنادەن بە ژیانی خەڵکو بەشێک لە نەخۆشکەوتن و مردنی خەڵک بەهۆی دەرخواردنی دەرمان و خۆراکانەیەو کاریگەری لەسەر ژیانیان هەیە.

هەروەها وتیشی: ئەو خواردن و دەرمانانەی لەمەرزی. باشماخەوە دێنە ناوەوە دیارە هینی کێنو هەمومان دەزانین کێ لەپشتیانەوەیە چەندجار سکاڵامانکردوە لەسەریان بەڵام هیچ کاریگەری نەبوە بۆیە پێویستە رای گشتیان لەسەر دروست ببێتو رێگری لەهێنانیان بکرێت.