بەڕێوەبەری نەخۆشخانەی هیوای تایبەت بە شێرپەنجە لە سلێمانی رایگەیاند، ساڵی 2024، دوو هەزار و 888 تووشبووی نوێی شێرپەنجە لە نەخۆشخانەکە تۆمارکراون کە شێرپەنجەی مەمک زۆرترین بووە.

د. یاد نەقشبەندی، بەڕێوەبەری نەخۆشخانەی هیوا لە سلێمانی وتی: لە نەخۆشخانەکە پێنج هەزار و 940 کۆدی نوێ تۆمارکراون کە لەو ژمارەیە دوو هەزار و 888ـیان تووشبووی نوێی شێرپەنجە بوون و ئەوانی دیکە تووشبووی نەخۆشیی دیکە بوون کە لە نەخۆشخانەکە چارەسەردەکرێن.

ئەمڕۆ هەینی 10-1-2025 د. سارا جەمیل، پسپۆڕی شێرپەنجە لە نەخۆشخانەی هیوا رایگەیاند، زۆرجار کەمی و نەبوونی دەرمان بۆ شێرپەنجە بارگرانی بۆ نەخۆش دروستدەکات و دەبێتەهۆی دواکەوتن لە وەرگرتنی چارەسەر و بۆشایی لەنێوان چارەسەری نەخۆشییەکە.

هاوکات د. سارا جەمیل باسی هەڵەیەکی باوی نەخۆشانی شێرپەنجە دەکات و دەڵێت: شەرمکردن لە تووشبوون بە شێرپەنجە هەڵەیەکی باوە و زۆرجار ئەوانەی نیشانەیان هەیە، بە هەڵە پەنا دەبەنە بەر چارەسەری نەگونجاو.

بەپێی ئامارەکانی نەخۆشانەکە، ساڵی 2023، 3,356 تووشبووی نوێ تۆمارکراون، بەڵام ساڵی 2024، 2,888 تووشبووی نوێی شێرپەنجە هەبوون.