وەزارەتی بەرگریی تورکیا ڕایگەیاند لە ئاکامی ڕووبەڕووبوونەوە لەگەڵ گەریلاکانی پارتی کرێکارانی کوردستان (پەکەکە)، ئەمڕۆ یەکێک لە سەربازەکانیان لەو ناوچەیەی هەرێمی کوردستان کوژراوە کە تورکیا بە “ناوچەی ئۆپەراسیۆنی چنگ-قفڵ” ناوی دەبات.

لە ڕاگەیەندراوەکەدا ئاماژە بەوە دراوە پلەی سەربازەکە عەریفی پیادەڕۆ بووە و ناویشی حەبیب موراد ئاڵپ’ە.  

کوژرانی ئەو سەربازەی تورکیا لە کاتێکدایە، تورکیا ئۆپەراسیۆنەکانی بۆ سەر گەریلاکانی پەکەکە لە ناوچە شاخاوییەکانی هەرێمی کوردستان چڕ کردووەتەوە و حکومەتی فیدڕاڵیی عێراق و حکومەتی هەرێمی کوردستانیش بێدەنگییان بەرامبەر لەشکرکێشییە بەرفراوانەکانی تورکیا هەڵبژاردووە.