• کلیک بکە و زیاتر لەسەر ئێمە بزانە

  کوردنیوز وایەر واتە چی؟

  کوردنیوز وایەر، ناوێکی لێکدراوی ئینگلیزیە و بە واتای رایەڵی هەواڵی کورد دێت، ئامانج لە هەڵبژاردنی ناوەکە بۆ فراوانی پڕۆژەکە دەگەڕێتەوە کە لە بنەڕەتدا ئامانجی ئەوەیە زانیارییەکان ناو کوردستان بۆ دەرەوەی وڵات بگوازێتەوە، لە داهاتوویەکی نزیکدا بە زمانە بیانییەکان بابەتەکانی بڵاودەکاتەوە.

  کێ خاوەندارێتی دەکات؟

  کۆمەڵێک رۆژنامەنووسی بە ئەزموون لە باشووری کوردستان خاوەندارێتی پڕۆژەکە دەکەن و بەشێوەیەکی پیشەیی و خۆبەخشانە کاری تێدا دەکەن.

• کلیک بکە و زیاتر لەسەر ئێمە بزانە

  ئامانجی پرۆژەکە چیە؟

  دیجیتاڵ میدیایەکی فراوانە و دەیەوێت ئەو کەلێنە پڕ بکاتەوە کە میدیای سەربەخۆ لە باشووری کوردستان بۆی دروست بووە، زۆرینەی میدیاکان لە ئێستادا لایەندراییان بۆ کەسایەتی و پرۆژە سیاسییەکان هەیە بۆیە دەیەوێت ئەو کەلێنە بە قەبارەی توانا مرۆییەکانی پڕ بکاتەوە.

  مەودای کارکردنی

  مەودای کارکردنی پرۆژەکە، ئەو ناوچە جوگرافیە دەگرێتەوە کە کوردستانیان تێیدا دەژین، لە هەر چوار پارچە و دیاسپۆرا، هەر رووداوێک پەیوەندیدار بێت بە کوردستانیانەوە دەبێتە جێگەی سەرنج و کاری لەسەر دەکرێت.

• کلیک بکە و زیاتر لەسەر ئێمە بزانە

  کێ دەتوانێت بەشداری پرۆژەکە بێت

  هەر میدیاکارێکی سەربەخۆ کە دیدێکی فراوانی بۆ کاری خۆبەخشی و ئازادی رادەربڕین هەبێت دەتوانێت ببێتە بەشێک لە پڕۆژەکە و تواناکانی خۆی هاوبەشی پێ بکات.

  لایەنداری سیاسی

  میدیاکارانی ناو پرۆژەکە دەتوانن خاوەن بیروڕای سیاسی تایبەت بە خۆیان بن تا ئەو کاتەی بیڕوڕاکانیان تێکەڵ بە بە کار و بەرهەمەکانیان نەکەن، تێڕوانینی سیاسی پڕۆژەکە بە جۆرێکە بە دوورییەکی یەکسان لە هەموو ئایدۆلۆژیا و بیرکردنەوەیەکی سیاسییەوە دەوەستێت.

• کلیک بکە و زیاتر لەسەر ئێمە بزانە

  جۆری بڵاوکراوەکان

  کوردنیوز، خاوەنی هەژماری تایبەتە لە زۆرینەی پلاتفۆڕمەکان، لەوانە فەیسبوک، انستگرام، تلگرام و ئێکس(تویتەری پێشوو)، بەرهەمەکانی خۆی لە بڵاوکردنەوەی هەواڵ، راپۆرتی ڤیدیۆیی، ئینفۆگرافیک، ئامار و داتا دەبینێتەوە.

  پشتیوانی دارایی لە کێ وەردەگرێت؟

  پڕۆژەکە بۆ ئەوەی سەربەخۆیی کاری خۆی ون نەکات، ئامادەنیە پشتیوانی دارایی لە لایەن و کەسایەتییە سیاسییەکان وەربگرێت، چاوی لەوەیە لەلایەن رێکخراوە نێودەوڵەتییەکانەوە پشتیوانی دارایی لەچوارچێوەی پرۆژەکانی پارەدارکردن وەربگرێت.

ئەمانە بزانە